ដុំឈើ

នៅ Gradient Canopy ដែលយើងទទួលបានវិញ្ញាបនបត្រ Living Building Challenge (LBC) Materials Petal នៃ International Living Future Institute (ILFI) ការរកវិធីរួមបញ្ចូលសម្ភារៈដែលគ្មានជាតិពុល និងដែលអាចស្ដារប្រព័ន្ធអេកូឡូស៊ីឡើងវិញមានសារៈសំខាន់ណាស់។ ដោយហេតុផលនេះ យើងបានរិះរកវិធីដាក់បញ្ចូលដុំឈើម៉ាស់ដែលទាញយកពីប្រភពប្រកបដោយចីរភាពទៅក្នុងអគារ ដើម្បីទាញយកប្រយោជន៍ពីលក្ខណៈឈើដែលចាប់យកកាបូន និងដែលអាចជួសជុលឡើងវិញ។

ដុំឈើម៉ាស់គឺជាបច្ចេកទេសសាងសង់ដែលប្រើប្រាស់ឈើដែលកិនបង្ហាប់ចូលគ្នា ដើម្បីបង្កើតជាសសរ ធ្នឹម ជញ្ជាំង ក្ដារកម្រាល និងដំបូលតាមរបៀបដែលអាចកាត់បន្ថយកាបូនដែលបានបង្កប់ បើប្រៀបធៀបទៅនឹងវិធីសាស្រ្តសាងសង់បែបបុរាណ។ ចុងក្រោយ ដុំឈើម៉ាស់ដើរតួនាទីយ៉ាងសំខាន់​នៅក្នុងអគារ ហើយអ្វីដែលយើងបានសិក្សានៅទីនេះបានផ្ដល់ជាព័ត៌មានសម្រាប់គម្រោងសាងសង់ផ្សេងទៀតនៅ Google។

យើងបានចាប់អារម្មណ៍លើសក្តានុពលនៃដុំឈើម៉ាស់ក្នុងរយៈពេលយូរមួយគួរសម ព្រោះវាជំរុញឱ្យមានកន្លែងធ្វើការដែលមានបរិយាកាសកាន់តែល្អ កាន់តែមានផលិតភាព និងមានការបំផុសគំនិតតាមរយៈលក្ខណៈផ្សារភ្ជាប់ទៅនឹងធម្មជាតិរបស់ដុំឈើនោះ។ លក្ខណៈផ្សារភ្ជាប់ទៅនឹងធម្មជាតិគឺទាក់ទងនឹងការរួមបញ្ចូលធម្មជាតិជាមួយនឹងការរចនា ដើម្បីបង្កើតកន្លែងដែលមនុស្សរីកចម្រើន និងអាចបញ្ចូលធាតុឈើចំហនៅខាងក្នុងអគារមិនត្រឹមតែកាត់បន្ថយតម្រូវការប្រើប្រាស់សម្ភារៈបន្ថែមដូចជាថ្នាំបៀក និងថ្នាំលាបប៉ុណ្ណោះទេ ប៉ុន្តែថែមទាំងជួយឱ្យមនុស្សមានអារម្មណ៍ថាផ្សារភ្ជាប់ជាមួយធម្មជាតិសូម្បីតែពេលនៅខាងក្នុង។ ដូច្នេះនៅពេលយើងបានចាប់ផ្ដើមការរចនា Gradient Canopy ដំបូងឡើយ យើងបានស្វែងរកលទ្ធភាពក្នុងការមានរចនាសម្ព័ន្ធទាំងមូលនៃអគារប្រើប្រាស់ដុំឈើម៉ាស់ និងរកឃើញថាគម្លាតវែងដែលយើងចង់បានមិនអាចធ្វើទៅរួចទេ ប៉ុន្តែយើងនៅតែអាចបញ្ចូលឈើសម្រាប់ផ្នែកខ្លះនៃធាតុរចនាសម្ព័ន្ធនៅខាងក្នុងអាគារបានដដែល។

នៅ Gradient Canopy ធាតុដុំឈើម៉ាស់មានទម្រង់ក្រុមឈើអ៊ុតច្រើនស្រទាប់ (CLT) ដែលជាទម្រង់ឈើកែច្នៃដែលផលិតចេញពីដំណើរបិទកាវស្អិតជាប់គ្នាច្រើនស្រទាប់នូវឈើធ្ងន់ ដើម្បីទទួលបានភាពរឹងមាំនៃរចនាសម្ព័ន្ធកាន់តែប្រសើរ។ យើងបានចាប់ផ្ដើមប្រើ CLT ជាការងារពុម្ព (ពុម្ពសម្រាប់ចាក់បេតុងចូល) សម្រាប់កម្រាលបេតុងកម្រិតទីពីរ ដែលវាផ្ដល់ភាពរឹងមាំសមាស។ យើងបានដាក់បញ្ចូលឈើប្រភេទនេះក្នុងលក្ខណៈមួយដែល CLT ត្រូវបានរក្សាទុកនៅនឹងកន្លែង ដើម្បីប្រើជាពិដានឈើចំហសម្រាប់កន្លែងជាន់ផ្ទាល់ដី និងរបាំងការពារជុំវិញទីធ្លាផ្នែកខាងក្នុង ជាជាងការដកចេញ និងបោះចោលការអនុវត្តទូទៅដែលមានស្រាប់ បន្ទាប់ពីការរៀបចំបេតុងនោះ។ ឈើក៏ត្រូវបានប្រើប្រាស់សម្រាប់ទ្វារ និងស៊ុមទ្វារនៅទូទាំងអគារ ជាពិសេសសម្រាប់សាលប្រជុំ និងបន្ទប់ប្រជុំ។ សម្រាប់ការងារទាំងនេះ ក្រុមការងារអាចធ្វើការជាមួយអ្នកផ្គត់ផ្គង់ ដើម្បីទទួលបានវិញ្ញាបនបត្រស្លាក Declare សម្រាប់គ្រឿងបង្គុំទ្វារទាំងមូល ដោយជួយយើងកំណត់អាទិភាពសម្ភារៈអគារដែលបង្ហាញពីគីមីសាស្ត្រដែលមានសុវត្ថិភាពជាងមុន ដើម្បីបង្កើតបរិយាកាសក្នុងអគារដែលល្អដល់សុខភាព។

CLT មិនទាន់ត្រូវបានប្រើប្រាស់សម្រាប់ធាតុផ្សំរចនាសម្ព័ន្ធក្នុងទ្រង់ទ្រាយធំនេះនៅក្នុង Mountain View នៅឡើយទេ នៅពេលយើងបានចាប់ផ្ដើមការរចនា Gradient Canopy។ ដូច្នេះហើយ យើងបានបង្កើតគំរូទំហំពេញនៃធាតុ CLT ក្នុងដំណាក់កាលដំបូង និងបានអញ្ជើញមន្ត្រីក្រុងឱ្យមើល និងត្រួតពិនិត្យរចនាសម្ព័ន្ធដោយផ្ទាល់ ដើម្បីធានាថាវាបំពេញតាមលក្ខខណ្ឌតម្រូវរបស់ពួកគេ។ ការបង្កើតគំរូសាកល្បងរូបវន្តបានជួយយើងសហការគ្នា ដើម្បីបង្កើតដំណោះស្រាយរួមគ្នា​ដែលឆ្លើយតបនឹងលក្ខខណ្ឌតម្រូវរបស់ទីក្រុង ព្រមទាំងឈានឆ្ពោះទៅរកមធ្យោបាយសាងសង់ប្រកបដោយចីរភាពបន្ថែមទៀត។

យើង​ក៏​បាន​ធានា​ថា​ឈើ​ដែល​យើង​ដាក់​បញ្ចូល​ទៅ​ក្នុង​អគារ Gradient Canopy មាន​ប្រភព​ប្រកប​ដោយចីរភាពផងដែរ។ ឈើថ្មីជាង 99% ដែលប្រើនៅ Gradient Canopy (ទាំងដំឡើងជាបណ្ដោះអាសន្ន និងជាអចិន្ត្រៃយ៍) ត្រូវបានទិញយកពីព្រៃឈើដែលស្ថិតក្រោមការគ្រប់គ្រងប្រកបដោយការទទួលខុសត្រូវ ដែលបានបញ្ជាក់ដោយក្រុមប្រឹក្សាគ្រប់គ្រងព្រៃឈើ (FSC)។ ជារឿងមិនធម្មតាទេក្នុងការទិញយកឈើដែលបានបញ្ជាក់ដោយ FSC សម្រាប់ការប្រើប្រាស់បណ្ដោះអាសន្នដូចជាការងារពុម្ព ដែលបន្ទាប់មកអាចប្រើឡើងវិញសម្រាប់គម្រោងនាពេលអនាគត។ ប៉ុន្តែ ដោយដឹងថាឈើបណ្ដោះអាសន្នមានចំនួនភាគរយច្រើននៃឈើសរុបនៅក្នុងគម្រោង ជារឿងសំខាន់ដែលត្រូវរាប់បញ្ចូលការប្រើប្រាស់ឈើបណ្ដោះអាសន្នផងដែរ។ ការផ្ដល់អាទិភាពលើឈើដែលមានការបញ្ជាក់ FSC មិនគ្រាន់តែមានន័យថា ឈើដែលយើងកំពុងប្រើប្រាស់មានប្រភពប្រកបដោយទំនួលខុសត្រូវប៉ុណ្ណោះទេ វាក៏មានន័យថា យើងកំពុងគាំទ្រដល់កិច្ចខិតខំប្រឹងប្រែងដ៏ខ្លាំងក្លាក្នុងការស្ដារព្រៃឈើឡើងវិញផងដែរ។ ជាចុងក្រោយ យើងជឿជាក់ថា សម្ភារៈដែលមានប្រភពដើមកាន់តែល្អ និងប្រកបដោយការទទួលខុសត្រូវមិនត្រឹមតែជាមូលដ្ឋានគ្រឹះសម្រាប់ការអភិវឌ្ឍប្រកបដោយចីរភាពប៉ុណ្ណោះទេ ប៉ុន្តែថែមទាំងសម្រាប់ការបង្កើតសេដ្ឋកិច្ចវិលជុំកាន់តែទូលំទូលាយ ដែលបង្កើតឡើងវិញ និងស្ដារឡើងវិញជាប់លាប់។

ឥឡូវនេះ ការស្រាវជ្រាវដុំឈើម៉ាស់ដែលយើងបានធ្វើឡើងក្នុងអំឡុងពេលរចនា Gradient Canopy កំពុងផ្ដល់ជាព័ត៌មានសម្រាប់ការរចនាអគារ Google ផ្សេងទៀត។ ឧទាហរណ៍ នៅ Sunnyvale រដ្ឋកាលីហ្វ័រញ៉ា យើងទើបតែបើក 1265 Borregas ដែលជាអគារប្រើប្រាស់ដុំឈើម៉ាស់ទាំងស្រុងដំបូងគេរបស់យើង។ មានការព្យាករថានឹងមានការបញ្ចេញកាបូនដែលបង្កប់ 96% តិចជាងរចនាសម្ព័ន្ធដែក និងបេតុងដែលសមមូល ដោយពិចារណាលើការចាប់យកកាបូន។ វាគ្រាន់តែជាឧទាហរណ៍មួយអំពីរបៀបដែលការសិក្សានៅ Gradient Canopy បានជំរុញកិច្ចខិតខំប្រឹងប្រែងរបស់យើងក្នុងការរចនាអគារដែលប្រកបដោយចីរភាព និងផ្ដល់សុខភាពល្អជាងមុន។