Google Visitor Experience
The public art at the Google Visitor Experience pays homage to community, innovation, and sustainability. Inside the Google Store, Cafe, and the Huddle, you’ll find artworks from local artists who are a part of Google’s Artist in Residence program. Outdoors, explore life-sized art pieces facilitated by Burning Man Project, with input from the local community.
ການຈັດວາງ
ສິນລະປະກາງແຈ້ງ
ພວກເຮົາຂໍເຊີນຊວນທ່ານສຳຫຼວດຜົນງານສິນລະປະຢູ່ລານກວ້າງກາງແຈ້ງຜ່ານຄວາມຢາກຮູ້ຢາກເຫັນ, ການສຳຜັດ ແລະ ການຫຼິ້ນ. ໂດຍໄດ້ຮັບຄວາມຊ່ວຍເຫຼືອຈາກ Burning Man Project, ຜົນງານສິນລະປະແບບໂຕ້ຕອບ ແລະ ເຕັມໄປດ້ວຍຈິນຕະນາການຈຳນວນ 6 ຜົນງານໄດ້ຮັບການຄັດເລືອກໂດຍຊຸມຊົນ Mountain View ໃນພື້ນທີ່. ໃນການຮວມຕົວທີ່ສ້າງແຮງບັນດານໃຈໃຫ້ກັບຮູບແບບຂອງຜົນງານສິນລະປະ, ພວກເຮົາໄດ້ຟັງເລື່ອງລາວການຜະຈົນໄພ ແລະ ຄວາມຢາກຮູ້ຢາກເຫັນຕອນຍັງນ້ອຍຂອງຄົນໃນຊຸມຊົນ, ໄດ້ຮຽນຮູ້ວິທີທີ່ຜູ້ຄົນກຳນົດທິດທາງຂອງຕົນເອງຜ່ານສະຖານທີ່ສຳຄັນ ແລະ ໄດ້ຍິນຄວາມປາຖະໜາຢ່າງແທ້ຈິງທີ່ຈະໄດ້ສຳຜັດປະສົບການທີ່ມ່ວນຊື່ນ. ພວກເຮົາຫວັງວ່າພື້ນທີ່ສິນລະປະກາງແຈ້ງແຫ່ງໃໝ່ນີ້ຈະຊ່ວຍເສີມສ້າງສາຍສຳພັນອັນດີ ແລະ ສານສາຍສຳພັນລະຫວ່າງມະນຸດຜ່ານສິນລະປະແບບໂຕ້ຕອບ ແລະ ແບບໄດນາມິກ.
ຄໍເລັກຊັນ
ສິນລະປະໃນຮົ່ມ
ໂຄງການ Artist in Residence ຂອງ Google ເຫັນເຖິງຄຸນຄ່າຂອງສິນລະປິນໃນຖານະຜູ້ສ້າງນະວັດຕະກຳທີ່ສຳຄັນເຊິ່ງສ້າງແຮງບັນດານໃຈດ້ານຄວາມຄິດສ້າງສັນໃນຊຸມຊົນທີ່ພວກເຮົາອາໄສ ແລະ ເຮັດວຽກຢູ່. ພວກເຮົາຈ້າງສິນລະປິນໃຫ້ສ້າງຜົນງານສິນລະປະຕົ້ນສະບັບໃນພື້ນທີ່ Google ທົ່ວໂລກ ແລະ ຜົນງານສິນລະປະຂອງເຂົາເຈົ້າໃນສະຖານທີ່ ເຊັ່ນ: Google Visitor Experience ຈະຊ່ວຍຂະຫຍາຍເປົ້າໝາຍຂອງໂຄງການໃນການສ້າງຊຸມຊົນ, ສ້າງແຮງບັນດານໃຈດ້ານຄວາມຄິດສ້າງສັນ ແລະ ສົ່ງເສີມນະວັດຕະກຳ. ຢູ່ Google Visitor Experience, ທ່ານສາມາດພົບກັບຜົນງານສິນລະປະຂອງ Artist in Residence ໄດ້ໃນ Cafe, Huddle ແລະ Google Store. ສິນລະປິນຮວມທັງ Kelly Ording, John Patrick Thomas, Miguel Arzabe ແລະ Angelica Trimble-Yanu, ແມ່ນອາໄສຢູ່ບໍລິເວນອ່າວ.
