ვცდილობთ, ფუნქციური და ჯანსაღი სამუშაო სივრცეები შევქმნათ, რომლებიც ადამიანებს აღტაცებისა და სიამოვნების წუთებს აჩუქებს. ესაა ის ხელშეუხებელი მესამე განზომილება, რომელიც გვეხმარება, თავი საჭიროდ, ენერგიულად და კომფორტულად ვიგრძნოთ და შეგვახსენებს, რომ ყველა ადამიანები ვართ. ხელოვნება შესანიშნავი საშუალებაა ამ ჰუმანისტური ელემენტის გასაცოცხლებლად. 2010 წლიდან Google-ში დავაფუძნეთ რამდენიმე სახელოვნებო პროგრამა, მათ შორის ჩვენი შიდა პროგრამა Google Arts, ინიციატივა Google Arts & Culture და სარეზიდენციო პროგრამა ხელოვანებისთვის.
Google Visitor Experience-ში (რომელიც მდებარეობს Google Gradient Canopy-ს ახალ ოფისში) საჯარო ხელოვნების სპეციალური პროგრამა ხელს უწყობს აზროვნების ამ მიმართულების გავრცელებას მაუნთინ ვიუს უფრო ფართო აუდიტორიაზე. ღია საჯარო სივრცესა და ფეხით სავალ გზებზე მიმოფანტულია ხელოვნების ექვსი ნიმუში, რომლებიც Google Visitor Experience-ს გამოკვეთილ და ყველასთვის გახსნილ სივრცედ აქცევს.
ხელოვნების თითოეული ნიმუში, რომლებიც ახლო და შორეული ქვეყნებიდან არიან, საგანგებოდ შემუშავდა ამ ადგილისთვის. მათ შენობის მიმდებარედ შეხვედრების ადგილის შექმნას, სახალისო გამოცდილებებისა და თამაშების შესაძლებლობების გაჩენას შეუწყვეს ხელი. ამავე დროს, ხელოვნების ნიმუშები შეესაბამება Gradient Canopy-ს მიზნებს მდგრად განვითარებასთან და ჯანმრთელობისთვის უსაფრთხო მასალების გამოყენებასთან დაკავშირებით, ვინაიდან ხელოვნების თითოეული ნიმუში დამზადებულია მასალებისგან, რომლებიც არ შედის წითელ სიაში (რაც იმას ნიშნავს, რომ არ შეიცავს ჯანმრთელობისა და გარემოსთვის განსაკუთრებით საზიანო ინგრედიენტებს) და ორიენტირებულია ნულოვანი ნარჩენების მიღწევაზე. შენობის შიგნით და გარეთ გამოყენებული მასალების მსგავსად, ხელოვნების ამ ნიმუშებსაც წვლილი შეაქვს Gradient Canopy-ს მცდელობაში, რომლისთვისაც მან Materials Petal-ის სერტიფიკატი მოიპოვა მომავალი ცხოვრების საერთაშორისო ინსტიტუტის (ILFI) Living Building Challenge-ისგან (LBC).
როცა Gradient Canopy-ში ჯერი საჯარო ხელოვნების კონცეპტუალიზაციაზე მიდგა, მიზნად დავისახეთ მიმზიდველი, ექსცენტრული ხელოვნების ნიმუშების შერჩევა, რომლებიც ღია სივრცეს დათვალიერების ობიექტად აქცევდა და ადამიანებს იქაურობის ისევ და ისევ მონახულების სურვილს აღუძრავდა. ერთი სიტყვით, გვსურდა, გვეხილა ხელოვნება, რომელიც იმდენად არ ემსგავსებოდა სამუზეუმო ექსპონატს, რამდენადაც იქნებოდა ქმნილება, რომლის მსგავსის ნახვაც შესაძლებელია „ცეცხლმოკიდებული კაცის“ ღონისძიებაზე, რომელიც ნევადის შავი კლდის უდაბნოში ყოველწლიურად იმართება და ცნობილია სივრცისთვის შესაბამისი, ექსპრესიული ინსტალაციებით. პარტნიორის ძიებაში, რომელიც დაგვეხმარებოდა, რომ ხელოვნების ნიმუში გაეცოცხლებინა გარე სივრცეში, მივმართეთ არაკომერციულ ორგანიზაციას Burning Man Project. მას კოორდინირება უნდა გაეწია გაერთიანების მიერ ჩატარებული ხელოვნების ნიმუშის შერჩევის პროცესისთვის. Burning Man Project-მა ერთგულად დაიცვა გაერთიანების ჩართულობის იდეა და, შესაბამისად, ჩვენი მიზანი, რაც საჯარო ხელოვნების ისეთი ნიმუშის შექმნას ითვალისწინებდა, რომელიც ინტერაქტიური იქნებოდა, მასში ადამიანების ჩართულობას უზრუნველყოფდა და შემოქმედებითი თვითგამოხატვის საერთო გამოცდილებას შემოგვთავაზებდა.
