Dakika 5
"Muundo bora si tu kitu kimoja – ni mbinu kamili, ya kina na iliyo rahisi kutumia. Unaunda sehemu ambako ushirikiano unaweza kufanyika kwa urahisi – iwe ni ana kwa ana au mtandaoni."
– Ruth Porat, Rais na Afisa Mkuu wa Uwekezaji na Afisa Mkuu wa Kifedha wa Alphabet na Google
Je, una uhusiano upi binafsi na Mountain View pamoja na maeneo ya jirani?
Nimekulia katika eneo la Palo Alto, baada ya kuhamia hapo nikiwa mtoto kutoka nchini Uingereza kupitia Cambridge, Massachusetts. Baba yangu alikuwa mwanafizikia katika Kituo cha Linear Accelerator cha Stanford. Mojawapo ya sababu kuu zilizofanya aamue kuihamishia familia yetu hapa ilikuwa ni uthabiti, udadisi wa kuvumbua na nia ya kufanya mambo ambayo hayajawahi kufanywa hapo awali. Mambo kama kubuni kivunja atomu cha Stanford. Uthabiti huo ulipanuka sana tangu baba yangu alipotuhamisha.
CFO wa Google na Alphabet, Ruth Porat, katika COP26 jijni Glasgow, Skotlandi.
Je, unaweza kutueleza zaidi kuhusu upekee wa eneo hili?
Hali ya uvumbuzi katika eneo hili inahamasisha na huzungumziwa mara zote. Karibu kila mtu ana dhamira ya dhati ya kufanya mabadiliko duniani – hicho ndicho kinatutia motisha hapa Google na Alphabet pia ninaamini kuwa ndicho kinawatia motisha wengine wengi wanaoamua kuishi na kufanya kazi hapa. Kuna lengo katika eneo la Valley la kuunda mustakabali ambao tungependa kuona na ninafikiri kuwa ndilo linafanya eneo hili kuwa mojawapo ya maeneo maalum duniani.
Je, Google ina uhusiano upi na Mountain View?
Tangu 1999, Mountain View imekuwa makao ya Google na tunaona kuwa tutakuwa hapa kwa miaka mingi ijayo. Google ilichagua Mountain View kuwa makao yetu makuu kwa sababu tunapenda kila kitu kuhusu kuwa katika eneo hili. Tunapenda uzuri wa Bay, ukaribu na vyuo vikuu, mazingira yanayofaa familia pamoja na fursa ya kufanya kazi katika jiji lililo kwenye kiini cha Silicon Valley.
Wafanyakazi wetu wengi wanaishi na kufanya kazi katika Mountain View na kama kampuni, tunaamini kwa dhati katika kuwa jirani mwema. Katika miaka yote, tumewekeza mamilioni ya dola katika jamii, kwa kutoa ruzuku kwenye Taasisi ya Elimu ya Mountain View ili kufadhili elimu ya Sayansi, Teknolojia, Uhandisi na Hisabati (STEM), kufadhili Mountain View Community Shuttle, kutoa ruzuku ya kufadhili michakato ya kutatua ukosefu wa makazi na huduma za udhibiti pamoja na miradi ya kurejesha ikolojia kama vile Charleston Retention Basin, miongoni mwa miradi mingine.
Na tunajivunia kuwa kila mwaka, WanaGoogle hujitolea katika mashirika ya Mountain View kwa maelfu ya saa, ikijumuisha Shirika la Huduma za Jamii la Mountain View, Silicon Valley Bicycle Exchange, shule za Mountain View na Makumbusho ya kipekee ya Historia ya Kompyuta.
Je, Gradient Canopy na Bay View huendeleza vipi uhusiano wa muda mrefu wa Google na eneo hilo?
Gradient Canopy ni jengo letu la kwanza kabisa kujenga katika Mountain View na tulifikiria sana kuhusu njia bora ya kubuni mradi unaowakilisha maono ya Jiji hili kwa mustakabali wa North Bayshore. Gradient Canopy hutathimini upya mahali pa kazi kwa muundo wenye kusudio unaovutia jamii, kujumuisha mazingira asili ipasavyo, kubuni thamani kubwa ya kiuchumi kwenye jiji na pia kusaidia wafanyakazi wetu wanaopenda kuishi na kufanya kazi katika Mountain View.
Tangu kabla ya janga, sehemu ya umahiri wa nafasi zetu za kazi za Google ni kuwa nafasi hizi zinangatia afya, ni endelevu na zinaweza kutumika kwa shughuli mbalimbali, zikijumuisha “Ushirikiano”. Muundo mzuri hutengeneza mazingira ambayo watu wangependa kuwa, jambo linalodhihirishwa na karibu nusu ya wafanyakazi wetu wa kimataifa wanaokuja kwa hiari katika ofisi zetu mara tu zilipofunguliwa tena kwa usalama. Sasa, kupitia miradi yetu ya kujenga majengo kabisa, tunaweza kujumuisha wajibu huu pamoja na mafunzo mengi katika jamii ya eneo husika. Tumezingatia sana jinsi nafasi hizi zinaweza kushirikisha jamii na kukuza uthabiti na matokeo bora ya afya.
Mchoro unaonyesha mwonekano kutoka ukumbi wa kituo cha matukio cha Bay View kuelekea mandhari, shimo la kupenya ndani la NASA likiwa katika mandharinyuma.
Je, unaweza kutoa maelezo zaidi kuhusu jinsi Google inavyofafanua “muundo bora”?
Muundo bora si tu kitu kimoja – ni mbinu kamili, ya kina na iliyo rahisi kutumia. Mbinu hiyo hujumuisha fursa za kutangamana, kujifunza, kushirikiana na kuangazia. Unaunda sehemu ambako ushirikiano unaweza kufanyika kwa urahisi – iwe ni ana kwa ana au mtandaoni.
Je, hili hufafanua vipi mawazo maalum yanayoboresha muundo wa Bay View na Gradient Canopy?
Kaulimbiu ya waanzilishi wa Google, “Angazia mtumiaji kwanza na mengine yote yatafuata,” imechangia miundo ya ofisi zetu tangu mwanzo. Katika mradi huu, tulikusanya data ya utafiti na sayansi kwa miaka mingi kuhusu kile kinachowasaidia wafanyakazi kuwa wenye tija na wabunifu zaidi.
Wazo la kwanza tulilojaribu lilikuwa kubadilisha mwonekano wa ofisi – kugeuza uhusiano kati ya nafasi za kumakinika na za ushirikiano pamoja na uhusiano wa nafasi hizo na nafasi za wazi zikilinganishwa na zilizofungwa. Hili linamaanisha kuwa tunaanza kutumia vipembe vilivyofungwa badala ya miundo ya madawati ya wazi, inayokatiza hali ya kumakinika katika kufanya kazi Upande mwingine, tunaacha kutumia vyumba vya mikutano vilivyofungwa na kuanza kutumia nafasi mbalimbali za ushirikiano ambazo ziko wazi zaidi na zinazoweza kubadilika, kulingana na aina za ushirikiano unaofanywa na timu. Ni dhahiri kuwa teknolojia ni muhimu katika nafasi hizo za ushirikiano ili kuwezesha ushirikiano sawa kwa wafanyakazi walio mbali na ofisi. Kuwa na vipembe hivi vya kumakinika karibu na nafasi nyumbufu za ushirikiano wa timu kunamaanisha kuwa watu wanaweza kubadilisha haraka inapohitajika.
Mchoro wa ghorofa ya pili na kijiji chake cha maeneo mengi jirani.
Wazo linalofuata linaangazia manufaa ya utambuzi wa bayofilia. Kwa miaka mingi, tumekuwa tukifanya juhudi za kujumuisha muundo wa kibayofilia katika ofisi zetu – hivyo kujumuisha vipengee muhimu kutoka katika mazingira asili kwenye ofisi zetu, kama vile nyenzo zisizo na sumu, nyenzo asili, michoro, ikolojia ya sauti, hali ya kuridhishwa na kiwango cha joto, mtiririko wa hewa unaoweza kubadilishwa pamoja na taa zenye manufaa ya kibayolojia kwa wanadamu.
Ingawa baadhi ya watu wengine wanaweza kuchukulia hatua hizi za ubora wa hewa au za kibayofilia kama ubadhirifu, pia kuna sababu za kifedha za kujumuisha mazingira asili na hewa bora mahali pa kazi. Yote haya yanahusiana na kuboresha maisha ya watu na wakati wafanyakazi wana afya nzuri, wana furaha na wanaweza kufanya kazi bora, kila mtu, pamoja na kampuni, hunufaika.
Je, haya yote yanahusiana vipi na malengo makubwa ya Google katika maendeleo yanayolenga jamii?
Lengo letu ni kushirikiana na kuwasiliana na jamii ya eneo husika, kupitia nafasi zinazovutia za ghorofa ya chini ambazo zinaangazia tamaduni za jamii tunakoishi na kufanyia kazi. Tunaona manufaa ya muda mrefu ya kuwekeza katika maeneo yanayowakilisha maadili yetu na yale ya jamii.
Ilichapishwa mara ya kwanza Mei 2022
