हामीले दशकौँसम्म भवनभित्रको वातावरण स्वस्थ बनाउने तरिकाका बारेमा अन्वेषण गरेका छौँ। हाम्रा भवन बनाउन सुरु गरेका बेला Google का संस्थापकहरू हातमा बोक्न मिल्ने धुलो मापन गर्ने यन्त्रहरूले धुलो मापन गर्दै भवन वरपर हिँडेका कथाहरूदेखि हाम्रा भवनभित्रका रेट्रोफिट गरिएका भागहरूमा अनावश्यक रूपमा विषाक्त कुराहरू नआऊन् भन्नाका लागि वर्षौँ लगाएर हजारौँ उत्पादनहरू छानेको लामो समयसम्म हामी स्वस्थ कार्यस्थानहरू बनाउन केन्द्रित भएका छौँ। हामी ग्रेडिएन्ट क्यानोपी International Living Future Institute (ILFI) ले सञ्चालन गरेको Living Building Challenge (LBC) कार्यक्रमअन्तर्गत प्रदान गरिने मटरियल्स पेटल प्रमाणपत्र प्राप्त गर्ने आजसम्मकै सबैभन्दा ठुलो परियोजना भएकोमा गर्व गर्छौँ। यस कार्यक्रमले मानिस तथा अन्य जीवजन्तुको स्वास्थ्यमा प्रतिकूल असर नपुर्याउने र पुनः प्रयोग गर्न सकिने खालका सामग्रीको पारदर्शी अर्थतन्त्र निर्माण गर्ने लक्ष्य राख्छ।
हामीले ग्रेडिएन्ट क्यानोपी र Google Visitor Experience भित्र मानिस तथा वातावरणका लागि स्वस्थ सामग्री प्रयोग गर्ने कार्यलाई प्राथमिकता दियौँ। भवनभित्र जडान गरिएका हरेक सामग्रीमा LBC को रातो सूचीमा समावेश गरिएका पदार्थ छैनन् भन्ने कुरा सुनिश्चित गर्न निर्माणकर्ताले तिनको समीक्षा गरेका छन्। रातो सूचीमा भएका पदार्थले मानव तथा वातावरणीय स्वास्थ्यमा नकारात्मक असर पार्ने सबैभन्दा खराब वर्गका रासायनिक पदार्थलाई जनाउँछन्। ग्रेडिएन्ट क्यानोपीमा भवन निर्माण उद्योगमा पारदर्शितालाई प्रोत्साहित गर्ने हाम्रो प्रयासमा सामेल भएका निर्माणकर्ताहरूसँग मिलेर कुल ८,००० भन्दा बढी उत्पादनहरूको समीक्षा गरिएको थियो।
ग्रेडिएन्ट क्यानोपीमा प्रयोग गरिएका स्वस्थ सामग्रीसम्बन्धी हाम्रो दृष्टिकोण भवनभित्रका स्थान र Google का कर्मचारीहरूले दैनिक रूपमा काम गर्ने स्थानभन्दा परसम्म फैलिएको छ। भवनको बाहिरी भागमा राखिएका छ वटा सार्वजनिक कलाकृति लगायतका भवनभित्र र बाहिर प्रयोग गरिएका सामग्रीहरू हेरेर हामीले समुदायको स्वास्थ्यका साथै आपूर्ति चक्र र हाम्रा भवनमा प्रयोग हुने उत्पादनहरूको समग्र जीवन चक्रमा प्राथमिकता दिन थाल्यौँ। यसको अर्थ सामग्री छान्दा स्वास्थ्यलाई मुख्य पक्षका रूपमा ध्यान दिइएको सुनिश्चित गर्न कार्पेट र पर्खाल जस्ता तपाईंले देख्न र छुन सक्ने सामग्रीदेखि झ्यालमा लगाइएका रङ र भवनमा प्रयोग गरिएका इन्सुलेसन जस्ता तत्काल सजिलै नदेखिने सामग्रीसम्म तिनका निर्माताहरूबाट ध्यानपूर्वक छानिएका थिए।
