Google தொடங்கப்பட்டதிலிருந்தே, எங்கள் நிறுவனத்தின் வெற்றி எங்களின் பணியாளர்கள் கையில்தான் உள்ளது என்பதை நாங்கள் முழுமனதாக நம்புகிறோம். இதனால்தான் Googlerரின் மகிழ்ச்சி, ஒட்டுமொத்த உடல்நலன் ஆகியவற்றுக்காக எங்கள் இடங்களை வடிவமைப்பதில் நாங்கள் கவனம் செலுத்தி வருகிறோம். Gradient Canopyயில், கட்டடத்தை இரண்டு தளங்களாக மட்டுமே பிரித்தல் போன்று உட்புறத்தை ஒழுங்கமைக்க நாங்கள் பயன்படுத்திய பெரிய வடிவமைப்பு யோசனைகளில் ஒன்றாக பயனர்களுக்கு முன்னுரிமை அளிக்கும் அணுகுமுறை விளங்குகிறது. இங்கே, பணியாளர்கள் மற்றும் குழுவுக்கான இடங்கள் மேல் தளத்தில் உள்ளன. மேலும் இங்குள்ள தொடர்ச்சியான உட்புற 'முற்றங்கள்' கீழ் தளத்தில் இருக்கும் கான்ஃபிரன்ஸ் அறைகள், முற்றங்கள், அனைத்துக் குழுக்களுக்கான இடங்கள் ஆகிய வசதிகள் உள்ள இடங்களுடன் இந்தத் தளத்தை இணைக்கின்றன.
இரண்டாவது தளத்தில் உள்ள பணியிடங்கள் நற்சூழல் பாதுகாப்பு, சூழலுக்கேற்ப மாறுதல், கவனத்துடன் பணியாற்றுதல் ஆகியவற்றைக் கருத்தில்கொண்டு வடிவமைக்கப்பட்டுள்ளன. மேல் தளம் முழுவதும் ப்ரீஃபேப்ரிகேட் செய்யப்பட்ட அறைகள், சுவர்கள், சக்கரங்கள் பொருத்தப்பட்ட ஃபர்னிச்சர் ஆகியவற்றைக் கொண்டது. புதிய வடிவமைப்புகளுக்கு அதே பொருட்களை மீண்டும் பயன்படுத்த முடியும் என்பதால் இந்த இடங்களைத் தேவைக்கேற்ப கழிவு ஏதுமில்லாமல் எளிதாக மாற்றிக்கொள்ளலாம். கவனத்துடன் வேலை செய்ய இந்தத் தளத்தில் அதிக இடம் ஒதுக்கப்பட்டுள்ளது. அதே வேளையில் கீழ்த்தளத்தில் நாள் முழுவதும் மனதிற்கும் உடலுக்கும் ஓய்வளிப்பதற்கான மற்றும் கூட்டுப்பணி செய்வதற்கான இடங்கள் உள்ளன.
Gradient Canopyயின் முதல் தளத்தில் இருக்கும் உட்புற முற்றங்கள் மக்களை ஒன்றிணைத்து, அனைவருக்கும் ஆரோக்கியமான, உற்பத்தித் திறன் மிக்க சூழல்களை வழங்குவதன் மூலம் எங்கள் குழுக்கள் சிறப்பாகச் செயல்பட உதவுகின்றன. வழக்கமான அலுவலகங்களில் தனிநபர் வேலை செய்யும் இடங்களுடன் பல்வேறு பணிச் செயல்பாடுகளுக்கான பகுதிகளும் ஓய்வு இடங்களும் ஒன்றாகக் கலந்து இருப்பதை நீங்கள் பார்த்திருக்கலாம். இரண்டு தளங்களையும் இணைக்கும் திறந்தநிலைப் படிக்கட்டுகளுடன் கூடிய மொத்தம் 20 முற்றங்கள் உள்ளன. இவை வசதிகள் அனைத்தையும் அணுகுவதை எளிதாக்கும் அதே வேளையில் குழுக்கள் பல விதங்களில் பயன்படுத்தக்கூடிய மற்றும் எளிதில் மாற்றக்கூடிய பன்முகத் தேவைகளுக்கான இடங்களாகவும் உள்ளன.
முற்றங்கள் அதிகச் செயல்பாட்டுப் பகுதிகளிலிருந்து கவனம் செலுத்த வேண்டிய பகுதிகளைப் பிரிக்க உதவுவதால் பணியாளர்கள் தங்களின் சிறந்த பணியைச் செய்யலாம். இவை உயிரியல்புப் பலன்களை வழங்குவதோடு Googlerகள் நாள் முழுவதும் புத்துணர்ச்சி பெறவும் உதவுகின்றன. சிறந்த வடிவமைப்புகள் இயற்கைக்கும் மனித ஆரோக்கியத்திற்கும் இடையில் ஆழமான தொடர்பை வெளிப்படுத்தும் என்பதை அறிவோம். அதனால் மக்கள் வளர்ச்சியடையக்கூடிய இடத்தை உருவாக்க Gradient Canopyயில் உயிரியல்பு வடிவமைப்புக் கொள்கைகளை இணைத்துள்ளோம். இயற்கை நமக்கு அளிக்கும் அனுபவங்களைப் போலவே பல உணர்வுகளை அளிக்கும் பல்வேறு வகையான இடங்களை உயிரியல்பு வடிவமைப்புகள் வழங்குகின்றன. தளங்களுக்கு இடையில் பொதுமக்கள் நடக்கும்போது உடலியல் பலன்களைப் பெற முற்றங்கள் உதவுகின்றன. இவை நாள் முழுவதும் மக்கள் சிறப்பாகச் சிந்தித்து படைப்பாற்றலை வெளிக்காட்ட அவர்களுக்குப் புதிய வழிகளை வழங்குகின்றன. மேலே உள்ள ஜன்னல்கள் வழியாகப் பகல் வெளிச்சத்தைக் கீழ் தளத்திற்குள் கொண்டு வரவும் இவை உதவுகின்றன. இதனால் உங்கள் சர்க்காடியன் சுழற்சி நன்றாகச் செயல்படும்.
