சுற்றுப்புறத்தில் உள்ளவர்களுக்கு உதவிகரமாக இருப்பது

மவுண்டைன் வியூ மற்றும் அதைச் சுற்றியுள்ள பகுதிகளுடன் உங்கள் தனிப்பட்ட தொடர்பு என்ன?

நான் சிறுவயதில் யுனைடெட் கிங்டமில் இருந்து மாசசூசட்ஸின் கேம்பிரிட்ஜ் வழியாகப் பாலோ ஆல்டோவுக்குக் குடிபெயர்ந்து, அங்கேயே வளர்ந்தேன். என் தந்தை ஸ்டான்போர்டு லீனியர் ஆக்ஸிலரேட்டர் சென்டரில் இயற்பியலாளராக இருந்தார். எங்கள் குடும்பத்துடன் குடிபெயர அவர் தேர்வுசெய்ததற்கு முக்கியக் காரணம் ஆற்றல், அறிவுசார் ஆர்வம் மற்றும் இதற்கு முன்பு செய்யாத புதிய விஷயங்களை முயற்சிக்க வேண்டும் என்ற நோக்கம் ஆகும். உதாரணமாக ஸ்டான்ஃபோர்டின் ஆட்டம் ஸ்மாஷரை உருவாக்குவது போன்றவை. என் தந்தையுடன் இங்கு வந்ததில் இருந்து அந்த ஆர்வம் இன்னும் அதிகரித்தது.

இந்தப் பகுதியின் சிறப்பம்சம் குறித்து மேலும் எங்களிடம் கூற முடியுமா?

இங்குள்ள புதுமைக் கலாச்சாரம் அனைவரையும் ஈர்க்கக்கூடியதாகவும் எப்போதும் ஒரு பேசுபொருளாகவும் உள்ளது. உலகில் மாற்றத்தை ஏற்படுத்துவதற்கான அர்ப்பணிப்பு அனைவரது மனதிலும் ஆழமாக உள்ளது. அதுதான் Google மற்றும் Alphabetடில் எங்களை ஊக்குவிக்கிறது. இங்கு வாழ்வதற்கும் பணியாற்றுவதற்கும் தேர்வுசெய்யும் பலருக்கும் இதுவே உந்துதலாக இருக்கும் என்று நான் நம்புகிறேன். சிலிக்கான் பள்ளத்தாக்கில், ஒவ்வொருவருக்கும் அவர்கள் விரும்பும் எதிர்காலத்தை உருவாக்க வேண்டும் என்ற உந்துதல் இருக்கிறது, அதுதான் அதை மிகவும் தனித்துவமான இடமாக மாற்றுகிறது என நான் நினைக்கிறேன்.

Googleளுக்கும் மவுண்டைன் வியூவுக்கும் என்ன தொடர்பு?

1999 முதல், Google மவுண்டைன் வியூவைத் தனது தாயகமாகக் கொண்டுள்ளது. இது இன்னும் பல வருடங்களுக்கு நீடிக்கும் எனக் கருதுகிறோம். மவுண்டைன் வியூவைப் பற்றிய அனைத்தையும் நாங்கள் விரும்புவதால் அதைத் தலைமையகமாக Google தேர்வுசெய்துள்ளது. விரிகுடாவின் அழகு, பல்கலைக்கழகங்களுக்கு அருகாமையில் இருப்பது, குடும்பத்திற்கேற்ற சுற்றுச்சூழல், சிலிக்கான் பள்ளத்தாக்கின் மையப்பகுதியில் உள்ள நகரத்தில் பணியாற்றும் வாய்ப்பு ஆகியவற்றை நாங்கள் விரும்புகிறோம்.

எங்கள் பணியாளர்களில் பலர் மவுண்டைன் வியூவில் வசித்துப் பணியாற்றுகிறார்கள், ஒரு நிறுவனமாக, சுற்றுப்புறத்தில் உள்ளவர்களுக்கு நல்ல உதவிகரமாக இருப்பதற்கு நாங்கள் முக்கியத்துவம் அளிக்கிறோம். பல ஆண்டுகளாக, நாங்கள் சமூகத்தில் லட்சக்கணக்கான டாலர்களை முதலீடு செய்துள்ளோம். இதில் STEM கல்வியை ஆதரிப்பதற்காக மவுண்டைன் வியூ கல்வி அறக்கட்டளைக்கு வழங்கிய நிதி, மவுண்டைன் வியூ சமூகப் போக்குவரத்திற்கு வழங்கிய நிதி, வீடற்றோருக்கான மீட்புத் திட்டத்தையும் பாதுகாப்புச் சேவைகளையும் ஆதரிக்க வழங்கிய நிதி, சார்லஸ்டன் ரிடென்ஷன் பேசின் போன்ற சுற்றுச்சூழல் சார்ந்த மீட்டெடுப்புத் திட்டங்கள் ஆகியவை அடங்கும்.

மவுண்டைன் வியூவை அடிப்படையாகக் கொண்ட மவுண்டைன் வியூ சமூகச் சேவைகள் ஏஜென்சி, சிலிக்கான் வேலி பைசைக்கிள் எக்ஸேஞ்ச், மவுண்டைன் வியூ பள்ளிகள், வியத்தகு கம்ப்யூட்டர் ஹிஸ்டரி மியூசியம் போன்ற நிறுவனங்களுடன் Googlerகள் ஒவ்வொரு ஆண்டும் ஆயிரக்கணக்கான மணிநேரம் தன்னார்வத் தொண்டு செய்கிறார்கள் என்பதில் நாங்கள் பெருமைப்படுகிறோம்.

இந்தப் பிராந்தியத்துடனான Googleளின் நீண்டகாலத் தொடர்பை Gradient Canopy, பே வியூ ஆகிய இரண்டும் எப்படித் தொடர்ந்து பராமரிக்கின்றன?

Gradient Canopy என்பது மவுண்டைன் வியூவில் எங்களின் முதல் அடிப்படை மேம்பாடாகும். மேலும் நார்த் பேஷோரின் எதிர்கால நகரத்தின் இலக்கை நிறைவேற்றும் ஒரு திட்டத்தை எப்படித் திறம்பட உருவாக்குவது என்பதை நாங்கள் கவனமாகக் கருத்தில் கொண்டோம். சமூகத்தை வரவேற்கும், இயற்கைச் சூழலுடன் இணக்கமாக ஒன்றிணையும், நகரத்திற்கு மிகப்பெரிய பொருளாதார மதிப்பை வழங்கும், மேலும் மவுண்டைன் வியூவில் வாழ்வதையும் பணியாற்றுவதையும் நேசிக்கும் எங்கள் பணியாளர்களை ஆதரிக்கும் நோக்கமுடைய வடிவமைப்பு மூலம் Gradient Canopy பணியிடத்தை மறுமதிப்பீடு செய்கிறது.

பெருந்தொற்றுக்கு முன்பிருந்தே, இந்த இடங்கள் ஆரோக்கியமானவையாக, சூழலுக்குப் பாதுகாப்பானவையாக, நடைமுறைக்குரியவையாக, சற்று Googleளுக்கே உண்டான உள்கட்டமைப்புடன் உள்ளன என்பது Google பணியிடங்களின் சிறப்பம்சமாகும். பணியாளர்கள் சிறந்த வடிவமைப்பு உள்ள இடங்களில் இருக்க விரும்புகிறார்கள், மேலும் அதற்கான சான்று என்னவென்றால், எங்கள் அலுவலகங்கள் பாதுகாப்பாக மீண்டும் திறக்கப்பட்டவுடன் உலகெங்கிலும் உள்ள எங்கள் பெரும்பாலான பணியாளர்கள் தானாக முன்வந்து அலுவலகத்திற்குத் திரும்பினார்கள். இப்போது, எங்கள் அடிப்படைத் திட்டங்கள் மூலம் இந்த உறுதிப்பாடுகள் மற்றும் கற்றுக்கொண்ட பலவற்றை உள்ளூர் சமூகத்திற்கு வழங்க முடியும். இந்த இடங்கள், எப்படிச் சமூகத்தை ஈடுபடுத்துகின்றன, மீள்திறனை உருவாக்குகின்றன மற்றும் ஆரோக்கியத்தை மேம்படுத்துகின்றன என்பதில் நாங்கள் தீவிரமாகக் கவனம் செலுத்துகிறோம்.

Google “சிறந்த வடிவமைப்பு” என்று எதைத் தீர்மானிக்கிறது என்பது குறித்துக் கூற முடியுமா?

சிறந்த வடிவமைப்பு என்பது ஒரு விஷயத்தை மட்டும் மையப்படுத்துவது அல்ல – அது முழுமையான, விரிவான மற்றும் பயனருக்கேற்ற அணுகுமுறையாகும். இது தொடர்புகொள்ளவும், கற்றுக்கொள்ளவும், கூட்டுப்பணி செய்யவும், கவனம் செலுத்தவும் வாய்ப்புகளை ஒருங்கிணைக்கிறது. நேரிலோ விர்ச்சுவலாகவோ வசதியாகக் கூட்டுப்பணி செய்வதற்கான இடங்களை இது உருவாக்குகிறது.

இது எப்படி பே வியூ மற்றும் Gradient Canopy வடிவமைப்பிற்கான குறிப்பிட்ட யோசனைகளாக உருமாறுகின்றன?

"பயனர்கள் மீது மட்டும் கவனம் செலுத்துங்கள், மற்றவை தானாக நடக்கும்" என்பது Google நிறுவனர்களின் நோக்கமாகும். இந்த யோசனைதான் எங்கள் அலுவலக வடிவமைப்புகளை ஆரம்பத்திலிருந்தே வழிநடத்தி வருகிறது. இந்தத் திட்டத்திற்காக, பணியாளர்களின் படைப்பாற்றலையும் உற்பத்தித் திறனையும் அதிகரிப்பதற்காகப் பல வருட ஆராய்ச்சித் தரவையும் அறிவியலையும் பயன்படுத்தினோம்.

கவனம் செலுத்தும் மற்றும் ஒருங்கிணைந்து வேலைசெய்யும் இடங்களை மாற்றுவது, திறந்த மற்றும் மூடிய இடங்களுடனான பணியாளர்களின் அணுகுமுறையை மாற்றுவது என அலுவலகத்தை அடிப்படையிலிருந்தே உருமாற்றுவது முதல் யோசனையாக இருந்தது. அதாவது, நாங்கள் கவனம் செலுத்திப் பணியாற்றுவதற்குச் சவாலாக இருந்த திறந்தவெளிப் பணிமுறையில் இருந்து மூடப்பட்ட பணியிடத்திற்கு மாற்றுகிறோம். மறுபுறம், குழு மேற்கொள்ளும் கூட்டுப்பணி வகைகளுக்கு ஏற்றவாறு மூடிய மீட்டிங் அறைகளில் இருந்து மேலும் திறந்த மற்றும் மாற்றியமைக்கக்கூடிய ஒருங்கிணைவதற்கான இடங்களுக்கு மாறுகிறோம். தொலைதூரத்தில் இருக்கும் பணியாளர்களும் சமமாகப் பங்கேற்க இந்தக் கூட்டுப்பணி செய்யும் இடங்களுக்குத் தொழில்நுட்பம் மிகவும் முக்கியம். கவனம் செலுத்துவதற்கான இந்த இடங்கள் ஆற்றல்மிக்க கூட்டுப்பணி செய்யும் இடங்களுக்கு அடுத்ததாக அமைந்திருப்பதால், தேவைப்படும்போது பணியாளர்கள் விரைவாக மாறலாம்.

அடுத்த யோசனை உயிரியல்பு தொடர்பான நன்மைகள் பற்றியது. பல ஆண்டுகளாக அலுவலகங்களில் உயிரியல்பு வடிவமைப்பை இணைப்பதில் பணியாற்றி வருகிறோம். தீங்கிழைக்காத பொருட்கள், இயற்கையாகக் கிடைக்கும் பொருட்கள், பேட்டர்ன்கள், ஒலிச் சூழல், வெப்ப வசதி, மாற்றிக்கொள்ளக்கூடிய காற்றோட்ட வசதி, சர்க்காடியன் ஒளியமைப்பு போன்ற இயற்கையின் முக்கியக் கூறுகளை இதன்மூலம் எங்கள் அலுவலகத்தில் பயன்படுத்துகிறோம்.

சிலர் இந்த உயிரியல்பு அல்லது காற்றின் தர அளவீடுகளை ஒரு ஆடம்பரமாகக் கருதினாலும், பணியிடத்தில் அதிக இயற்கையான மற்றும் ஆரோக்கியமான காற்றை அறிமுகப்படுத்துவதற்குப் பொருளாதாரக் காரணங்களும் உள்ளன. இவை அனைத்தும் பணியாளர்களின் வாழ்க்கைத் தரத்தை மேம்படுத்துவதற்காகவே செய்யப்படுகின்றன. பணியாளர்கள் ஆரோக்கியமாகவும், மகிழ்ச்சியாகவும், தங்கள் பணிகளைச் சிறப்பாகச் செய்ய முடிந்தால், நிறுவனம் உட்பட அனைவரும் பயனடைவார்கள் என்பதே இதன் நோக்கமாகும்.

இவை அனைத்தும் Googleளின் சமூகத்தை மையமாகக் கொண்ட மேம்பாடுகள் என்ற பெரிய இலக்குகளுடன் எப்படித் தொடர்புடையன?

நாங்கள் பணிபுரியும் மற்றும் வசிக்கும் சமூகங்களின் உணர்வைத் தூண்டும் சிறப்பான தரைத்தளப் பகுதிகளின் துணையோடு உள்ளூர் சமூகத்துடன் ஒரு இணைப்பை உருவாக்குவதும் அவர்களுடன் ஒருங்கிணைந்து செயல்படுவதுமே எங்கள் நோக்கமாகும். நமது மதிப்புகளையும் சமூகத்தின் மதிப்புகளையும் பிரதிபலிக்கும் இடங்களை உருவாக்குவது நீண்டகால மதிப்பிற்கு வழிவகுக்கும் எனக் கருதுகிறோம்.

அசல் வெளியீடு: மே 2022