Повеќеслојни дрвени панели

Во случајот со зградата Gradient Canopy, каде што учествувавме во сертификацијата Material Petals на програмата Living Building Challenge (LBC) од International Living Future Institute (ILFI), најважно од сѐ беше да се најдат начини за воведување материјали што се еколошки обновливи и не се отровни. Поради тоа, истраживме начини за интегрирање повеќеслојни дрвени панели од одржливи извори во зградата, сѐ со цел да се искористат својствата за складирање јаглерод и регенерација на дрвата.

Повеќеслојните дрвени панели се градежна техника во која се користат компримирани дрвени материјали за да се создадат столбови, греди, ѕидови, подови и покриви на начин што го намалува задржаниот јаглерод во споредба со традиционалните приоди на градежништвото. Сепак, повеќеслојните дрвени панели е искористено на многу места во зградата, а она што го научивме овде, влијаеше врз другите градежни проекти во Google.

Веќе некое време сме заинтересирани за потенцијалот на повеќеслојните дрвени панели бидејќи со помош на своите биофилски квалитети, тие промовираат поздрава, попродуктивна и визуелно инспиративна работна средина. Биофилијата се однесува на интегрирање на природата и дизајнот со цел создавање простори во кои луѓето ќе напредуваат, а можноста за вметнување изложени дрвени елементи во зградата ја намалува потребата за користење дополнителни материјали како слоеви и боја и им помага на луѓето да чувствуваат дека се поврзани со природата дури и кога се во затворено. Кога започнавме со дизајнирање на Gradient Canopy, отпрвин ја разгледувавме можноста целата структура на зградата да содржи повеќеслојни дрвени елементи и откривме дека не е можно во однос на должината, но сепак успеавме да вметнеме дрво во некои од структурните елементи во зградата.

Во Gradient Canopy, повеќеслојните дрвени елементи може да се забележат во форма на повеќеслојни ламинирани дрвени панели (CLT), форма на дрвена преработка која е направена преку лепење повеќе слоеви градежно дрво од ист труп за поголема цврстина на структурата. Започнавме со CLT како оплата (калапи во кои се истура бетон) за бетонските подови на второто ниво, каде што обезбедува цврстина на составот. Го интегриравме на таков начин што, наместо да се отстранува на стандардниот начин по стврднувањето на бетонот, CLT се остава на место да се удвои како отворен дрвен таван за просторите на приземјето и заштитните огради околу внатрешните дворови. Дрвото се користи и за вратите и рамките на вратите низ зградата, особено за просториите за состаноци и конференциските сали. За овие, тимот соработуваше со продавачот за да обезбеди сертификат Declare label за целосната структура на вратата, со што ни помогна да приоретизираме градежни материјали што демонстрираат побезбедна хемија за создавање здрава внатрешна средина.

Кога започнавме со дизајнирање на Gradient Canopy, CLT не се користеше за структурни елементи во олкава мера во Маунтин Вју. Затоа, направивме макета на елементите на CLT во таа рана фаза и ги поканивме градските власти да ја разгледаат и проверат структурата од прва рака за да се уверат дека ги исполнува нивните барања. Градењето физички прототипови ни помогна да соработуваме за колективно да дојдеме до решение што ги исполнува барањата на градот, а истовремено да насочува кон поодржливи начини на градење.

Се погриживме и дрвото што го вметнавме во Gradient Canopy building да биде од одржливи извори. Над 99 % од новото градежно дрво што се користи во Gradient Canopy (вклучувајќи ги и привремените и трајните инсталации) доаѓа од шуми со кои одговорно се управува, кои се сертифицирани од Forest Stewardship Council (FSC). Необично е да се набави дрво што е сертифицирано од FSC за привремени структури, како оплати, кое потоа може повторно да се користи за идни проекти. Сепак, знаејќи дека привременото дрво претставува голем процент од вкупното градежно дрво на проектот, важно е да се земе предвид и привремената употреба на дрво. Давањето приоритет на дрвото сертифицирано од FSC не значи само дека градежното дрво што го користиме е одговорно набавено, туку значи и дека поддржуваме поголеми напори за пошумување. Веруваме дека поздравите материјали кои се одговорно набавени се еден од столбовите на одржливиот развој и на создавањето поопфатна циркуларна економија која постојано е регенеративна и обновлива.

Сега, повеќеслојните дрвени панели што ги користевме во дизајнирањето на Gradient Canopy влијаат врз дизајнирањето на другите згради на Google. На пример, во Санивејл, Калифорнија тукушто ја отворивме 1265 Borregas – нашата прва зграда целосно изградена од повеќеслојни дрвени панели. Земајќи го предвид складирањето јаглерод, се предвидува дека ќе има 96 % помалку емисии на вграден јаглерод во споредба со еквивалентни структури од челик и бетон. Ова е само еден пример за тоа како она што го научивме од Gradient Canopy ги поттикна нашите напори за дизајнирање поодржливи и поздрави згради.