Mikilvægur hluti af menningu Google er nú í fyrsta sinn aðgengilegur almenningi í Google Visitor Experience í Gradient Canopy: matarstefnan okkar. Nýi staðurinn, Cafe @ Mountain View, er fyrsta matarupplifunin sem við bjóðum almenningi upp á. Þar geta meðlimir samfélagsins keypt mat og fengið smakk af sjálfbærnimarkmiðum okkar sem stuðla að vistvænni jörð.
Allt frá árinu 1999 hefur matarstefna okkar gegnt mikilvægu hlutverki í að hlúa að menningu Google sem einkennist af sköpun, samvinnu og samfélagi. Með því að bjóða upp á girnilegar og hollar máltíðir í glaðværu umhverfi viljum við stuðla að mannlegum tengslum og samræðum um hugmyndir. Máltíðirnar sem við bjóðum upp á hafa orðið kveikja að ótal nýjungum – þar með talið Gmail, sem varð til út frá samræðum yfir hádegismat á einu af kaffihúsunum okkar.
Matarstefna Google hefur frá upphafi hverfst um samfélag, bæði hvað varðar að skapa samfélag á starfssvæðum okkar sem og að tengjast nærliggjandi svæðum í gegnum útvegun hráefna og matreiðslu. Ein af meginreglum okkar þegar kemur að matargerð er að hlúa að samfélaginu, sem felur í sér að við áttum okkur á því að þær ákvarðanir sem við tökum varðandi mat hafa afleiðingar innan sem utan Google. Við erum sífellt að huga að því hvernig matarstefna okkar getur haft jákvæð áhrif á staðbundnar aðfangakeðjur og á jörðina í heild sinni, hvort sem um er að ræða ákvarðanir varðandi matseðla, hvaðan við kaupum mat eða hvernig við matreiðum hann.
Matarstefna okkar hvetur framsækin samstarfs- og sjálfbærniverkefni til að stuðla að jákvæðum breytingum og greiða veg fyrir betri matarkerfi í framtíðinni. Þökk sé samstarfi okkar við nálæga birgja geta matreiðslumeistarar okkar hannað rétti sem innblásnir eru af þeim staðbundnu hráefnum sem eru ferskust hverju sinni. Við metum hráefnabirgja reglulega og vinnum aðeins með þeim sem samræmast gildum okkar, þar með talið hvað varðar sjálfbærni, fjölbreytileika í eignarhaldi fyrirtækja og eflingu samfélagsins. Til að lágmarka kolefnisspor okkar forgangsröðum við birgjum sem stunda endurnýjandi landbúnað, endurvinna efni, lágmarka umbúðanotkun og velja staðbundna valkosti fram yfir aðfluttar vörur þegar hægt er. Þannig getum við hvatt matvæla- og drykkjariðnaðinn til að færa sig í átt að ábyrgari starfsháttum sem eru betri fyrir umhverfið og samfélögin sem næra okkur.
Auk útvegunar á hráefnum leggjum við áherslu á tvær meginreglur með tilliti til sjálfbærni í matarstefnu okkar: að draga úr matarsóun og útrýma notkun einnota plasts. Við vitum að um 35% af öllum mat sem framleiddur er til neyslu, eða um 60 milljón tonn af mat, fara til spillis árlega. Til að vinna í átt að sjálfbærnimarkmiðum Google er markmið okkar fyrir árið 2025 að enginn matur frá okkur endi í landfyllingu. Hvernig? Nálgun okkar hvað þetta varðar er þrískipt, þ.e. að sporna gegn matarsóun þegar við útvegum okkur hráefni, að bæta starfsemi í eldhúsum okkar og kaffihúsum með því að nýta tækni til að draga úr sóun og að tryggja að afgangar séu endurnýttir eða þeim fargað skynsamlega. Á árunum 2014 til 2021 komum við í veg fyrir að um 4 þúsund tonn af mat endaði í landfyllingu.uðu
Við vinnum einnig hörðum höndum að því að draga úr plastnotkun á matsölustöðum okkar. Við kaupum vörur í lausu og veljum þær sem pakkað er inn í frumlegar umbúðir sem haldið er í lágmarki þegar hægt er. Við erum einnig byrjuð að innleiða notkun vírbúra við vöruflutninga. Við skoðuðum einnig hvernig við gætum boðið upp á jógúrthlaðborð í stað einnota jógúrtdolla og umbúðalaust snarl í ílátum til að halda einnota umbúðum frá úrgangsstraumum.
