Daha təmiz, daha sağlam gələcəyə gedən yol hər gün verdiyimiz kiçik qərarlardan başlayır. Ona görə də mütəmadi olaraq ətraf mühitə müsbət təsir göstərməyin yollarını axtarırıq və enerji, su və digər təbii ehtiyatlardan istifadə edərkən daha da məsuliyyətli davranırıq. Bu səbəbdən Gradient Canopy-də binanı məhdud təbii resurslara tələbatı azaldan dairəvi dizayn prinsipləri ilə yaratmağa qərar verdik. Dairəvi dizayn materialları mümkün qədər uzun müddət istifadədə saxlamağı hədəflədiyi üçün bir çox bərpa olunmuş və təkrar emal edilmiş materialları binaya daxil etdik.
Gradient Canopy-də bütün binada bərpa edilmiş mənbələrdən əldə edilən 30-dan çox məhsul quraşdırdıq. Bunlara təkrar emal edilmiş taxta, velosiped dayaqları, şkaflar, xalça və əks halda poliqona gedəcək plitələr daxildir. Bu miqyasda bərpa olunmuş materialların istifadə edilməsi binanın zəhərli olmayan, ekoloji cəhətdən bərpaedici və şəffaf material iqtisadiyyatı yaratmağa kömək etmək məqsədi daşıyan Beynəlxalq Yaşayan Gələcək İnstitutunun (ILFI) Living Building Challenge (LBC) Materials Petal sertifikatını əldə etməsinə kömək etdi.
Binanın ölçüsüna görə ağlabatan miqyasda təkrar emal edilmiş material əldə etmək üçün bir neçə strategiya hazırlamalı olduq. Məsələn, təkrar emal edilmiş plitələr və ya xalça kimi əşyaların tədarük edilməsi çətin idi, çünki dizayn çox şey tələb edirdi və ölçülər, rəng və material baxımından tutarlı olmalı idi.
Tətbiq etdiyimiz əsas strategiya Google-da depolanan ehtiyatımızdakı elementləri təkrar istifadə etmək idi. Bu o deməkdir ki, əvvəlki layihələrdə istifadə olunmayan artıq yeni materiallar və sökülməzdən əvvəl binalardan çıxarılan əşyalar da daxil olmaqla öz təmir-tikinti ehtiyatlarımızı nəzərdən keçirmişik. Artıq əlimizdə olanlara baxaraq bərpa olunmuş xalça plitələrini, velosiped saxlama yerlərini, keramik plitələri və akustik tavan plitələrini birləşdirə bildik.
Bərpa olunmuş materialları inteqrasiya etməyin başqa bir yolu da müxtəlif yerli mənbələrdən emal edilmiş taxtadan istifadə etmək idi. Məsələn, tikinti zamanı çıxarılan taxtaları binanın hər tərəfinə skamyalar qurmaq üçün istifadə etdik. Velosiped saxlama yerlərindəki divar örtükləri və Google Dükanda döşəmə kimi elementlər üçün istifadə edilən bərpa olunmuş taxta tədarük etmək məqsədilə yerli satıcılara da müraciət etdik.
